BRAYAT KATULIK : BRAYAT PENDOA

Edisi: Minggu Adven IV/B
18 Desember 2011
Semin, Kabupaten Gunung Kidul, DIY

BRAYAT KATULIK : BRAYAT PENDOA

Nyedhaki riaya natal, Pakdhe Pitter (PP) nyiapake' hiasan natal ing ngomah. Pernak-pernik natal lan pohon natal dipajang.

PP : Natal wes cepak, yo mas?

MP : Yups, pakdhe! Tapi neng omahku ora dakpasangi pernik-pernik kaya ngene, lha raduwe duwit tur yo eman-eman duite.

PP : Halah, mas! Iki yo le tuku wes mataun-taun kapungkur koq. Daripada mung nggo susuh tikus mending dakpasang maneh.

MP : Hehe…ora kudu, to pakdhe? Sing penting khan sangsaya ngrasakake yen Gusti Allah kuwi tansah manunggal ing brayate dhewe.

PP : Weh… koq tumben mudeng, mas? Layak kwi dakcalonake dadi prodiakon?

MP : Walah, pakdhe! Dadi wong katulik sejati yo kudu paham bab riaya gedhe iki nu.

PP : Bener, mas. Lumantar Sang Kristus sing karsa dadi manungsa lumrah ana ing tengah-tengahing brayat sing sederhana, kepara malah ra duwe papan sing pantes kanggo Panjenengane, awake dhewe diteguhake.

MP : Nah, itu dia, pakdhe sing paling penting. Mulane brayat kuwi dadi papan wigati banget kanggo mbangun iman sing kuat, awit Sang Kristus sepisanan rawuh ana ing brayat.

PP : Iyo, mas! Aku uga sadar banget bab kuwi. Brayat dadi papan sepisanan kanggo mbangun iman. Yen brayat ora bisa mengkono, ndah kaya ngapa, sejatine wong katulik kuwi jan-jane.

MP : Aku sarujuk, pakdhe! Brayat kanggo papan sinau sembahyang, sinau sopan-santun lan tata kramaning urip. Apa maneh wektu-wektu iki ana kaprihatinan yen bocah-bocah jaman iki le da pacaran wes kebablasen.

PP : Aku tau maca ing Koran: Ing Gunung Kidul kene bocah-bocah sing during cukup umur, kepeksa nikah amarga “nabung” sik (hamil-red), ning “bunga”ne ora marakake “bunga’h.

MP : Mulane pakdhe, tantangan urip bebrayan jaman iki pancen kudu disikapi kanthi temenanan. Aja nganti anak-anake dhewe anggone pacaran ora alandhesan iman.

PP : Mangkane kuwi, mas! Wiwit adven iki lan sateruse, aku, mbokne bocah-bocah, karo anak-anakku dakejak sembahyang bareng pendhakdina, supaya ing pakaryan lan ing ngendi bae tansah dikuwasani dening Gusti.

MP : Sippp…. Pakdhe! Kuwi brayat katulik sejati.

PP : Lha yo wes samesthine brayat katulik pancen ngunu, koq mas. Brayat kang seneng ndedonga dadi beteng sepisanan kanggo ngadhedi jaman sing ngedohake awake dhewe marang Gusti. Aja nganti lirwa, sapa lirwa bakal cilaka. Yen wes cilaka anane mung gelo karo nelangsa.

MP : Aku khabeh lha yo, ora pengin ngunu, to?